Parlamento de Galicia Sede Electrónica

Recurso especial en materia de contratación ante o TARC

Impugnar actos dos procedementos de contratación pública que sexan susceptibles de recurso especial segundo o artigo 44 da Lei 9/2017, de 8 de novembro, de Contratos do Sector Público (LCSP), así como a normativa autonómica galega.

• Calquera persoa física ou xurídica cuxos dereitos ou intereses lexítimos poidan verse afectados polos actos recorridos.
• Debe ter lexitimación conforme ao artigo 48 da Lei 9/2017

Contratos susceptibles de recurso (art. 44.1 LCSP):

• Contratos de obras cun valor estimado superior a tres millóns de euros (3.000.000 €).

• Contratos de subministración e servizos cun valor estimado superior a cen mil euros (100.000 €).
• Acordos marco e sistemas dinámicos de adquisición relacionados cos contratos anteriores, así como os contratos baseados neles.
• Concesións de obras ou de servizos cun valor estimado superior a tres millóns de euros (3.000.000 €).
• Contratos administrativos especiais, cando polas súas características non sexa posible fixar o prezo de licitación ou, noutro caso, cando o seu valor estimado supere o establecido para os contratos de servizos.
• Contratos subvencionados de regulación harmonizada (art. 23 LCSP) e encargos cando, polas súas características, non sexa posible fixar o seu importe ou, noutro caso, cando este, atendendo a súa duración total máis as prórrogas, sexa igual ou superior ao dos contratos de servizos.

Actos recorribles (art. 44.2 LCSP) :

• Anuncios de licitación, pregos e documentos contractuais que establezan as condicións da contratación.
• Actos de trámite cualificados.
• Acordos de adxudicación.
• Modificacións dos contratos (artigos 204 e 205 LCSP), cando a modificación debía ser obxecto de nova adxudicación.
• Formalización de encargos a medios propios cando non cumpran os requisitos legais.
• Acordos de rescate de concesións.

Documentación a achegar:

• Escrito de interposición do recurso, identificando o acto impugnado feitos, fundamentos xurídicos e, se procede, solicitude de medidas cautelares, xustificando a súa necesidade.
• Probas e documentación que se consideren oportunas.
• Identificación e datos de contacto do recorrente e, se é o caso, do representante legal.
• Acreditación da lexitimación (participación no procedemento, interese lexítimo, etc.).

• Rexistro electrónico do Parlamento de Galicia (preferente).
• Calquera dos rexistros habilitados segundo o artigo 16.4 da Lei 39/2015, do 1 de outubro, no rexistro do órgano de contratación ou no do órgano competente para resolver o recurso. Se se presenta noutro rexistro, deberá comunicarse de inmediato ao órgano competente para garantir os prazos legais.

Lei 9/2017, de 8 de novembro, de Contratos do Sector Público

A resolución do Tribunal Administrativo de Recursos Contractuais de Galicia pon fin á vía administrativa. Contra a mesma poderá interpoñerse recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses desde o día seguinte ao da súa notificación, conforme ao artigo 57 da Lei 9/2017, de Contratos do Sector Público, e aos artigos 10.1.k) e 46.1 da Lei 29/1998, reguladora da xurisdición contencioso-administrativa.